للجزائريين فقط...

قالك واحد في حياتوا ما راحش لعرس وهو انسان نية بزاف واحد النهار عرضوه لعرس مطرطق يعني فور بزاف ايا في العرس مول dj كان داير الغنية نتع ( هو السراق والله ما أنيا ) و كي كان المغني يقول هو السراق مول dj ينقص للغنية والغاشي يعاود موراه والله ما أنيا المهم بقاو هكذاك حتى خلاصت الغنية
السيد كي رجع للبلاد سقساوه صحابوا وش العرس مليح عجبك قالهم فور بزاف عجبني بصح
مول dj ما نعرف وش سرقولوا بايت يحلف فينا .......ههههههههه





قالك واحد مسمار الدورو يموت عليه وحد النهار شرى حبة بنان ما فيهاش التيكي قال للخضار اعطيني التيكي ندفعوا للكازورال ...........ههههههه
واحد حابس كان يمشي مع وحدة شافت باباها من بعيد قاتلو روح بابا راهو جاي قاللها : كشماكان أنا خوك....هههههه





قالك مرة كان جحا واحد من أقربائه و واحد من جيرانه
عطاو لكل واحد منهم مليار وقالولهم لازم تخترعو حوايج
مالا القريب خدم صاروخ يروح لأي بلاصة
والجار خدم خاتم بورتابل تكلم بيه اي واحد
اما جحا صرف دراهمو اكل قعدتلو غير مليون مالا شرى معزة وكلب
جوعهم ربعيام قبل ما يوصل وقت كي يورو اختراعاتهم
مالا بدا القريب ورى اختراعو ثم الجار وصت دالة جحا
حط الكلب وعطاه حشيش كلاه
وحط المعزة وعطاها اللحم كلاتو
قالولو واشي هو الاختراع قالهم
على الكلب: الكاركا سة كلب والموتور معزة
على المعزة: الكاركا سة معزة والموتور كلب.....هههههههه


واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة .....ههههه

هههههههههههههههههههههههههههههههه

شكرا على مرورك الرائع

هههههههههههههههههههههههههههههههههههههه
مشكوووووووووووووووووووورة [b]

مشكورة

شكرا على مروركم
وهاذو ما يفهموهم كان الجزائريين برك
هههههههههههههههههههههههههههههه